Heildræn ferlaumbótaverkefni

Þegar fólk, ferlar og menning eru skoðuð sem ein heild koma í ljós tækifæri sem annars hefðu farið framhjá.

Af hverju þarf að skoða heildina?

Þegar fyrirtæki vaxa og þróast eykst flækjustigið smám saman. Ferlar lengjast, ábyrgð skarast og ný kerfi eða verklag bætast við án þess að eldri þættir séu endurmetnir.

Aðferðin – greining, kortlagning og mælaborð

Heildræn ferlaumbótaverkefni byggja á því að skoða starfsemina í víðu samhengi. Fyrst er gerð grunn­greining á helstu ferlum og samskiptum milli deilda. Í kjölfarið er dregin upp sjónræn mynd sem sýnir ferla, tengingar og samskipti. Í framhaldinu er útbúið mælaborð sem fylgist með helstu mælikvörðum, svo sem flæði verkefna, nýtingu tíma og samskiptaárangri.

Ávinningurinn – sparnaður, skilvirkni og samheldni.

Þegar starfsemin er skoðuð í heild birtist ný mynd. Hægt verður að sjá hvar kostnaður skapast án þess að auka verðmæti – og hvernig má draga úr honum án þess að skerða gæði eða þjónustu. Oft má með litlum breytingum ná fram tímasparnaði, einföldun og bættri nýtingu auðlinda.

Í hnotskurn:

• Finna raunveruleg tækifæri til sparnaðar og skilvirkni.
• Samræma ferla, fólk, vinnumenningu og tækni
• Greina hvar tími, orka og fjármunir nýtast best.
• Nýta mælaborð til að fylgjast með árangri og viðhalda umbótum.
• Byggja upp menningu stöðugra, gagnadrifinna umbóta.