Um Heildræn

Ferlaumbætur og breytingastjórnun sem skila raunverulegum árangri

Heildræn er ráðgjafastarfsemi sem sérhæfir sig í ferlaumbótum, ferlagreiningu og breytingastjórnun.
Starfsemin styður fyrirtæki og opinberar stofnanir við að bæta skilvirkni, skýra ábyrgð og styrkja framkvæmd umbótaverkefna.

Í vaxandi og síbreytilegu umhverfi verða ferlar oft flóknari en ætlað var. Óljós verkaskipting, tvíverknaður og ómarkvisst upplýsingaflæði geta haft áhrif á árangur og ákvarðanatöku. Heildræn vinnur markvisst að því að greina þessi mynstur og umbreyta þeim í skýrari og skilvirkari framkvæmd.

Sérhæfing í ferlagreiningu og ferlaumbótum

Heildræn aðstoðar við:

  • Ferlagreiningu og kortlagningu vinnuferla

  • Greiningu á ábyrgð og verkaskiptingu

  • Kortlagningu þjónustuferla og upplýsingaflæðis

  • Undirbúning og innleiðingu umbótaverkefna

  • Breytingastjórnun og stuðning við innleiðingu breytinga

Ferlaumbætur snúast ekki aðeins um að teikna upp ferlakort heldur að skilja hvernig vinnan fer í raun fram. Með heildstæðri ferlagreiningu eru hnökrar, flöskuhálsar og núningur gerðir sýnilegir og lagður grunnur að markvissum umbótum.

Nálgun í breytingastjórnun og skipulagsþróun

Nálgun Heildræn byggir á samþættingu ferlaumbóta og breytingastjórnunar. Áhersla er lögð á að breytingar séu ekki eingöngu skilgreindar heldur raunverulega innleiddar í starfsemi.

Verkefni fara almennt í gegnum þrjú skref:

1. Greining og stöðumat
Heildstæð ferlagreining og kortlagning á núverandi stöðu.

2. Skýr mynd og forgangsröðun
Sameiginleg yfirsýn yfir ferla, ábyrgð og umbótatækifæri.

3. Innleiðing og eftirfylgni
Markviss breytingastjórnun og stuðningur við framkvæmd umbóta.

Með þessari nálgun er tryggt að ferlaumbætur og breytingastjórnun styðji við langtíma árangur og aukna rekstrarlega getu.

Samstarf og reynsla af umbótaverkefnum

Heildræn hefur unnið að ferlaumbótum og umbótaverkefnum fyrir fjölbreytta aðila, bæði í einkageira og hjá opinberum stofnunum.

Meðal samstarfsaðila eru:

  • Samkaup hf.

  • Náttúruhamfaratrygging Íslands

  • Innheimtustofnun sveitarfélaga

Verkefnin hafa meðal annars falist í ferlakortlagningu, greiningu á þjónustuferlum, umbótaverkefnum tengdum innra skipulagi og stuðningi við innleiðingu breytinga.

Í öllum verkefnum er lögð áhersla á faglega ferlagreiningu, gagnsæi í vinnuferlum og raunhæfa framkvæmd umbóta.

 

Yfirlit yfir þekkingu og reynslu – Erna María Jensdóttir | Heildræn

Að baki Heildræn

Heildræn er byggð á reynslu, sérþekkingu og aðferðafræði Ernu Maríu Jensdóttur, ráðgjafa á sviði ferlaumbóta, ferlagreiningar og breytingastjórnunar.

Heitið Heildræn endurspeglar þá nálgun sem starfsemin byggir á. Í stað þess að skoða einstaka ferla eða afmörkuð verkefni í einangrun er lögð áhersla á heildarsamhengi skipulagsheildarinnar, samspil fólks, ferla og skipulags og hvernig dagleg framkvæmd tengist stefnu og markmiðum.

Erna María hefur á undanförnum árum starfað sem sjálfstætt starfandi ráðgjafi og leitt greiningar- og umbótaverkefni fyrir fyrirtæki og opinberar stofnanir. Verkefnin hafa meðal annars falist í heildstæðu stöðumati, kortlagningu vinnuferla og þjónustuferla, greiningu á upplýsingaflæði, skýringu ábyrgðar og stuðningi við innleiðingu breytinga.

Í verkefnum sínum leggur hún sérstaka áherslu á að tengja greiningu við framkvæmd. Markmiðið er að umbætur verði ekki einungis skilgreindar heldur raunverulega innleiddar í daglegu starfi og skili mælanlegum árangri.

Faglegur bakgrunnur hennar sameinar mannfræði og rekstrarþróun. Sú blanda styður við heildræna greiningu þar sem bæði formlegir ferlar og undirliggjandi vinnumenning eru skoðuð í samhengi. Með þeirri nálgun skapast skýrari mynd af stöðunni og raunhæfur grunnur að umbótum.

Vinnulagið einkennist af nákvæmni, hlutlægni og trausti. Lausnir eru mótaðar í samráði við viðskiptavini og taka mið af aðstæðum, markmiðum og menningu hverrar skipulagsheildar.

Fyrir hverja

Heildræn vinnur með stjórnendum og teymum sem:

  • Vilja bæta ferla og auka skilvirkni

  • Eru að fara í umbótaverkefni eða skipulagsbreytingar

  • Vilja styrkja breytingastjórnun og innleiðingu

  • Leita að faglegri ferlagreiningu og heildstæðu stöðumati

Markmið samstarfs

Markmið Heildræn er að styrkja skipulagsheildir í ferlaumbótum og breytingastjórnun með skýrri greiningu, markvissri innleiðingu og varanlegum árangri.

Samstarf byggir á fagmennsku, gagnsæi og raunhæfum lausnum sem taka mið af aðstæðum hverrar skipulagsheildar.

Umsagnir samstarfsaðila

„Það er alltaf gaman að sjá fólk vaxa og þá sérstaklega þegar það er í samstarfi við okkur Heiður Björk Friðbjörnsdóttir í gegnum vegferðina okkar hjá Samkaupum! Erna María Jensdóttir byrjaði hjá okkur í starfsþjálfun í gegnum Háskóla Íslands, sem þróaðist yfir í að hún gerði lokaverkefnið sitt í mastersnáminu sínu um þjónustuvegferð okkar og stefnumótun ásamt því að hún kom inn sem giggari fyrir okkur til að ná heildrænni nálgun á þjónustu út fyrir verslanir og hefur tekið ýmis verkefni síðan! Erna býr yfir yfirgripsmikilli þekkingu og er einstaklega góð í að kortleggja, ná yfirsýn og töfra svo fram lausnir sem henta fyrirtækinu. Áfram Erna! Gangi þer vel í næstu giggum 👏“

Gunnur Gunnarsdóttir framkvæmdastjóri verslunar- og mannauðssviðs Samkaupa hf.

„Ég hef átt í mjög góðu samstarfi við Ernu Maríu. Hún er faglegur kennari sem vinnur lausnamiðað og með frábæru skipulagi. Erna María er dugleg að tileinka sér nýjungar, áreiðanleg og sjálfstæð í vinnubrögðum. Hún fylgir verkefnum sínum vel eftir, sýnir frumkvæði og leitar alltaf bestu lausnanna.“

Nanna Bára Maríasdóttir

Verkefnastjóri hjá Miðstöð símenntunar á Suðurnesjum